Orta salmaqta IBF jáne IBO tujyrymdary boıynsha álem chempıony Gennadıı Golovkın (40-1-1, 35 KO) AQSh-taǵy fanattarymen kezdesip, kelesi jekpe-jegin kútip júrgenin aıtty. Bul týraly Vesti.kz habarlady.
Qoltańba sessııasyn Golovkınniń demeýshileriniń biri uıymdastyrǵan. Boksshynyń aıtýynsha, ol jankúıerlerin kórgenine qýanyshty bolǵan.
«Chivas Regal úshin qoltańba sessııasynda ýaqytty tamasha ótkizdim. Árqaısysyn kórgenime qýanyshtymyn. Rıngke oralar sátimdi taǵatsyzdana kútip júrmin» dep jazdy Golovkın instagram-paraqshasynda jazdy.
Buǵan deıin Golovkın IBF tıtýlynyń mindetti úmitkeri polıak Kamıl Sheremetamen (21-0, 5 KO) judyryqtasýy múmkin ekeni habarlanǵan. Jekpe-jek aqpan-naýryzda amerıkalyq Chıkagodaǵy Wintrust arenasynda ótýi múmkin.
Eske sala ketsek, Gennadıı Golovkın sońǵy jekpe-jegin 5 qazanda Nıý-Iorkte ótkizip, ýkraınalyq Sergeı Derevıanchenkony (13-2, 10 KO) tóreshiler sheshimimen jeńgen bolatyn.