Alǵashqy medısınalyq kómek kórsetetin dárigerlik ambýlatorııanyń biri Jambyl aýdanynyń Tarǵap aýylynda ashylsa, eki qabatty taǵy bir záýlim ǵımarat Ile aýdanynyń M.Túımebaev aýylynda paıdalanýǵa berildi.
Tarǵap aýylynda 1300 adam turady. Jańadan ashylǵan dárigerlik ambýlatorııa endi turǵyndarǵa sapaly qyzmet kórsetip, basy aýyryp, baltyry syzdaǵandarǵa aıqara esik ashatyn bolady. Ásirese, ana men bala densaýlyǵyn saqtaýǵa jaqynnan ashylǵan nysan óte qolaıly. Osy Tarǵap aýylynda 14 jasqa deıingi 316 bala bar eken.
Jańa dárigerlik ambýlatorııany salýǵa oblystyq bıýdjetten 244 mln 877 myń teńge qarjy bólingen. Bir mezette 25 adamǵa qyzmet kórsetedi.
Al Ile aýdanynyń M.Túımebaev aýylynda ashylǵan medısına nysany kúnine 100 naýqasqa dárigerlik qyzmet kórsetedi. Almaty qalasyna jaqyn ornalasqan aýylda turǵyn sany kóp. Esepte 12 581 adam tur. Jańa ǵımaratta ýltra dybystyq zertetý qondyrǵylary, rentgen apparaty, zerthana, balalar dárigeri, áıelder keńesi sııaqty arnaıy jabdyqtalǵan bólmeler bar.
Bul nysandy salýǵa 276410735 teńge bıýdjet qarjysy jumsalǵan.
Almaty oblysy