ALǴAShQY DOPTY NURBOL SOQTY

О́tken aptada fýtboldan Qazaqstan premer-lıgasynyń on toǵyzynshy maýsymy jalaýyn kóterdi. Bıylǵy maýsymǵa ótken jyl­da­ǵ­ydaı 12 komanda qatysatyn bolady. Olar – “Aqtóbe”, “Lo­ko­motıv” (Astana), “Shahter” (Qa­ra­ǵandy), “Tobyl” (Qostanaı), “Je­tisý” (Taldyqorǵan), “At­yraý”, “Ordabasy” (Shym­kent), “Taraz”, “Ertis” (Pavlodar), “Qaı­rat” (Almaty), “Oqjetpes” (Kók­shetaý) jáne “Aqjaıyq” (Oral). Alǵashqy týrda myna ko­mandalar kezdesti. Astanada pre­mer-lıgaǵa oralǵan Almatynyń “Qaırat” komandasymen kezdesken “Lokomotıv” teń oınady. Esep – 0:0. Premer-lıgaǵa joldama alǵan taǵy bir komanda “Aqjaıyq” óz alańynda “Ertispen” oınap, 1:4 esebimen jeńilýge májbúr boldy. Al Qostanaıdyń ortalyq stadıonynda ótken maýsymashar matchta jergilikti “Tobyl” “Taraz” komandasymen kezdesip, 1:0 esebimen jeńiske jetti. Bul matchta bıylǵy maýsymnyń alǵashqy dobyn Nurbol Jumasqalıev soqty. Shymkentte Kókshetaýdyń “Oqjetpes” komandasyn qabyldaǵan “Ordabasy” olarmen teń tarqasty. Esep – 1:1. Al osy týrda kezdesýleri josparlanǵan “Jetisý” – “Shahter”, “Aqtóbe” – “Atyraý” oıyndary aýa ra­ıynyń qolaısyzdyǵyna baıla­nysty keıinge qaldyryldy. Kelesi týrdyń kezdesýleri erteń ótedi. BALÝANNYŃ JÚLDESI Almatyda grek-rım kúresinen KSRO-nyń eńbek sińirgen sport sheberi, Keńes Odaǵynyń 7 dúrkin chempıony, álem jáne Eýropa chempıony, Seýl jáne Atlanta Olımpıadasynyń júldegeri, dańqty balýan Dáýlet Turlyhanovtyń júldesi úshin respýblıkalyq týrnır ótti. Eki kúnge sozylǵan týrnır 10 salmaq dárejesi boıynsha ótip, onda myna balýandar jeńimpaz atandy. Eń jeńil, ıaǵnı 42 kıloda Aıbek Mardanov (BQO), 46 kıloda Meırambek Aınaǵulov (Aqtóbe) jeńiske jetse, kelesi 50 kılo salmaqta kúsh synasqan 22 balýannyń arasynda Jambyl oblysynyń ókili Abylaı Medeýovtiń baǵy jandy. Odan keıin bolǵan syndarda Alma­tynyń “Dáýlet” sport mek­te­biniń shákirti Maqsat Áıtpekov (54 kg), Jasulan О́mirzaqov (58 kg), Dáýlet Batyrbekov (63 kg, ekeýi de OQO), Ábýnasyr О́mir­zaq (69 kg, Jambyl oblysy), Rashıd Kachıev (76 kg, OQO), Abzal Maratuly (85 kg, Almaty) jáne 100 kılodan astam salmaqta Azat Sháýkirov (SQO) jeńimpaz atandy. Endi týrnırdiń alǵashqy kúni 42, 50, 58, 69, 85 kılo salmaq dárejelerinde bas júldeni alǵan balýandar Tashkentte ótetin lı­senzııalyq jarysqa qatysady. Týrnırdiń sońynda je­ńim­paz­dar men júldegerler arnaıy maqtaý qaǵazdarymen birge baǵaly syı­lyqtarmen marapattaldy. Sol kezde Dáýlet Bolatuly Almaty oblysy, Aqsý aýdany, Qyzylaǵash aýdanynda bolǵan sý tasqynynan zardap shekkenderge 3 mln. teńge kó­leminde qarjylaı kómek kórsetetinin aıtty. Dastan KENJALIN.