Almaty – álmısaqtan armandar qalasy, jastar shahary ekendigi árkimge de aıan. О́ıtkeni megapolıste ómirlik maqsattarǵa jol ashatyn bilim ordalary men mádenı oshaqtar da jetkilikti ekendigi túsinikti.
Sonymen, jastar nege Almatyny jaqsy kóretindigi, nege osy qalada turǵysy keletindigi jaıly qala ákimi Baqytjan Saǵyntaev jumys isteıtin jastarǵa páter kiltterin tapsyryp turyp bylaı dedi: «Almaty – barlyq salada joǵary bilimdi jastardyń qalasy. Qalamyzda ornalasqan 39 ýnıversıtette 170 myńnan astam stýdent bilim alyp jatyr. Bul stýdentterdiń qatarynda basqa oblystardan da kelgender bar. Olardyń kópshiligi ýnıversıtet bitirgennnen keıin elderine qaıtpaıdy, osynda qalady. Jastardyń 5 jyl oqyǵan qalada nege turaqtap qalǵysy keletindigin túsinemiz. О́ıtkeni, bul mahabattyń, baqyttyń, merekelerdiń, tipti bolashaqtyń qalasy dep te aıtýǵa bolady».
Shahar basshysynyń málimdeýinshe, jastardyń barlyǵy da birden baspanaly bola almaıdy.
«Joǵary oqý ornyn bitirgennen keıin jas maman jumysqa turady. Otbasyn qurady. Biraq, barlyǵynyń da birdeı páter satyp alýǵa múmkindigi joq. Bular – jańadan qyzmetke ornalasqan jas muǵalimder, dárigerler, aqyndar men basqalary. Sondyqtan da biz ózimizdiń baǵdarlamamyzda munan ári qaraı da jas mamandarǵa 100 páterden bólip turamyz», – deıdi Almaty qalasynyń basshysy.
Osy arada eske sala keteıik, Almatyda Tuńǵysh Prezıdent – Elbasy N. Nazarbaevtyń tapsyrmasy boıynsha Jastar jyly aıasynda jumys isteıtin jastarǵa jalǵa beriletin turǵyn úıdi satyp alý quqyǵynsyz berý baǵdarlamasyn ázirlengen bolatyn.
Táýelsizdik merekesi qarsańynda Baqytjan Saǵyntaev jumys isteıtin jastarǵa páter kiltterin tabystaǵan edi.
Birinshi pýl boıynsha barlyǵy 1244 ótinish kelip túsken. Sonyń ishinde balldyq júıege sáıkes 249 úmitkerdiń tizimi jasaldy.
Olardyń ishinde kóp balaly otbasylar, bilim berý, densaýlyq saqtaý qyzmetkerleri jáne quqyq qorǵaý organdarynyń qyzmetkerleri bar. Almaty ákimdigimen ótinishterdi qabyldaıtyn arnaıy www.almaty-jastary.kz saıty ázirlendi.
Birinshi pýl boıynsha Alataý aýdanyndaǵy Kókqaınar yqsham aýdanyndaǵy 249 páterge ótinimderdi qabyldaý 30 qazan men 12 qarasha aralyǵynda ótti. Jyl sońyna deıin taǵy 801 páterge baıqaý jarııalanady.
Sóıtip, 1050 jas otbasyn jalǵa beriletin turǵyn úımen qamtamasyz etý josparlanýda.
ALMATY