Álemdegi ekinshi baı adam Bıll Geıts CNN-ge bergen suhbatynda ómirinde 10 mıllıard dollar salyq tólegenin aıtqan. Sondaı-aq ol «biraq odan da kóp tóleýim kerek» degen. Bul týraly lifter.com habarlady.
Kásipker AQSh tarıhyndaǵy eń iri salyq tóleýshi bolýy múmkin ekenin moıyndady.
«Úkimet men sııaqty aýqatty adamdarǵa salyqty ósirýi kerek» dedi ol suhbat barysynda.
Mıllıarder Tramp ákimshiligi júrgizgen salyq reformasyn jáne onyń bir jylǵa sozylǵanyn synǵa alyp, ony «regressıvti shara» dep atady.
«Eń baı adamdar orta jáne tómengi sanattarǵa qaraǵanda aıtarlyqtaı jeńildik alady. Sondyqtan olar kóbirek tóleýi kerek» dedi Geıts.
Geıtstiń aıtýynsha, halyqtyń altydan bir bóligi qanaǵattanarlyqsyz áleýmettik-ekonomıkalyq jaǵdaıda ómir súretin AQSh-taǵy ósip kele jatqan teńsizdik barlyq demokratııalyq elderdi qozǵaıtyn problema.