Túrkııada toılandy

Sonymen qatar sharaǵa Túrkııa Pre­zıdenti Bas keńesshisi Iаlchyn Topchý, Kólik vıse-mınıstrleri О́.Fatıh Saıan jáne S.Dýrsýn, Otbasy, eńbek jáne áleýmettik qyzmetter vıse-mı­nıstri Aıshe Ergezen, Energetıka jáne tabıǵı resýrstar vıse-mınıstri Alparslan Baıraktar, Saýda vıse-mınıstri Sezaı Ýcharmak, Ankara gýbernatory Vasıp Shahın, Eskıshehır gýbernatory О́zdemır Chakadjak, Ankara meri Mansýr Iаvash, burynǵy Májilis tóraǵasy Djemıl Chıchek, Qazaqstan-Túrkııa parlamentaralyq dostyq toby tóraǵasy, Mehmet Alı Djevherı, Túrkııa májilisi depýtattary, birqatar ýnıversıtet rektorlary, aýdan ákimderi, partııalar basshylary, burynǵy mınıstrler, elshiler, halyqaralyq uıym basshylary, Túrki keńesi Bas hatshysy Baǵdat Ámireev, Qazaqstannyń qurmetti konsýldary, ınvestorlar, dıplomatııalyq mıssııa, zııaly qaýym, isker top, dıaspora men BAQ ókilderi, qazaqstandyq tálimgerler jáne qonaqtar qatysty.

Alqaly qabyldaýdyń betashar sózin sóılegen Qazaqstannyń Túrkııa­daǵy elshisi Abzal Sapar­bek­uly Táýelsizdik kúnimen jınal­ǵan qaýymdy quttyqtady. Egemen­digi­miz­diń 28 jyldyǵynda Qazaqstannyń jet­­ken jetistikterine toqtalǵan A.Sa­par­bekuly baýyrlas Túrkııanyń árda­ıym kórsetken qoldaýyn atap ótti. Eli­mizdegi saıası reformalardy tilge tıek etken Qazaqstan elshisi El­basy N.Nazarbaevqa Túrkııa Prezı­denti R.Erdoǵannyń bastamasymen Túrki keńesi qurmetti tóraǵasy ataǵy berilgendigin eske saldy. Prezı­denti­miz Q.Toqaevtyń qoǵamnyń demo­kra­­tııalyq quqyqtary men qaýipsiz­digin saqtaý, halyqpen tıimdi keri baı­lanys ornatý, saıası reformalar, ult­tyq kodty qalyptastyrý jumys­taryn jalǵastyrý, kópvektorly jáne teńgerimdi syrtqy saıasat jáne jastardy bılikke tartý sekildi saıası basymdyqtaryna nazar aýdardy.

Aıtýly keshtiń ashylý saltanatynda sóz sóılegen TUUM tóraǵa­sy Mus­tafa Shentop «Túrkııa Qazaq­stannyń Táýelsizdigin moıyndaǵan alǵashqy memleket bolǵanyn árdaıym maqtan tutady. Elderimiz arasyndaǵy qarym-qatynas biz úshin óte mańyzdy. Alǵa qoıylǵan 10 mlrd dollarlyq saýda aınalymy mejesine jetý úshin qyrýar jumys atqarylýda. Qazaq­stannyń qýanyshy bizdiń de qýanyshymyz», dedi.

Sondaı-aq alqaly keshte TUUM tór­­aǵasy M.Shentop elshi A.Sapar­be­k­ulyna Elbasy Nursultan Nazar­baev atyna Túrki álemi jazýshylar já­ne ónerpazdar qory Türksav atynan 1919 j. 19 mamyrda Atatúrik bastaǵan ult­­a­zat­­tyq soǵystyń 100 jyldyǵy qur­­meti­ne taǵaıyndalǵan «19 mamyr Túrki álemi jańǵyrylýy» marapatyn tabystady.

Aıta ketelik Türksav qory túrki áleminiń ádebıet jáne óner sala­laryn­daǵy yntymaqtastyǵyn art­tyrýǵa baǵyttalǵan jumystar júr­gizýde. Budan buryn Türksav Elbasy Nazarbaevqa «Túrki álemine qyzmet syılyǵyn» bergen bolatyn.