*Qazaqstanda jyldyń alǵashqy jartysynda 69 875 jańa kólik satyldy. Elimizde 2010 jyly qolǵa alynǵan avtomobıl naryǵynyń qazirgi ahýaly satyp alýshylardyń basym bóliginiń ózimizde qurastyrylǵan mashınalardy tańdaı bastaǵanyn baıqatty.
* Respýblıkalyq talapkerlerdi keshendi testileý synaǵynyń qorytyndysy shyqty. Oǵan 76655 mektep túlegi qatysty. Nátıjesinde 48680 talapker shekti mejeden óte almady. Bul barlyq qatysýshylardyń 63,5 paıyzyn quraıdy.
* Almaty haıýanattar baǵyn qaıta jańǵyrtatyn bıznesmender tabyldy. Bul jumys quramyna jeti adam engen qoǵamdyq keńestiń qurylýy arqyly júzege asady.
* Qostanaı oblysynda bıylǵy 6 aıda 270 mlrd. teńgeniń ónerkásip ónimderi shyǵaryldy. Bul jóninde oblys ákimi Nuraly Sádýaqasov málimdedi. Aımaqta qazir ónerkásip ónimderin shyǵarýmen 500-den astam kásiporyn aınalysady.
* Qyzylorda qalasynda 20 kósheniń tabanjoldaryn jóndeý qolǵa alyndy. Bul týraly málimdegen qala ákimi Nurlybek Nálibaev jergilikti bıýdjetten bólingen 923 mln. teńgege qazir 24,3 shaqyrymdyq tabanjol, 37 kóp qabatty turǵyn úıdiń aýlaishilik alańdary men avtoturaqtary rettelip jatqanyn aıtty.
* Aqtóbe oblysynda aýyl okrýgteri ákimine úmitker 434 kandıdat tirkeldi. Munda 149 orynǵa 449 ótinish kelgen. Endi olar 7 tamyz kúni saılaýshylar jınalysynda tańdaýǵa túsedi.
* Pavlodarda jyl basynan beri 286 jumyssyz adam daıarlyqtan ótti. Oblysta «Eńbekpen qamtý-2020» baǵdarlamasy boıynsha bıyl jalpy somasy 3,112 mln. teńgeniń jumysy atqarylady.
* Ishki ister qyzmetkerleri apta ishinde 22,5 kılo geroın tárkiledi. Olardyń arasynda Ońtústik Qazaqstan, Jambyl jáne Almaty oblystarynda qolǵa túsken «ónimniń» salmaǵy aýyr.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.