Ulttyq kitaphanada Qazaqstannyń halyq jazýshysy, kórnekti memleket jáne qoǵam qaıratkeri Ábish Kekilbaevty eske alý keshi ótti.
Eske alý sharasy aıasynda jazýshynyń 80 jyldyǵyna oraı qaıratkerdiń ómiri men qyzmetine arnalǵan Ulttyq kitaphana daıyndaǵan bıblıografııalyq kórsetkish jáne «Arys» baspasynan shyqqan ensıklopedııanyń tanystyrylymy ótti.
Sharany Ulttyq kitaphananyń ǵylymı hatshysy, Qazaqstan Jazýshylar odaǵynyń múshesi Bolat Júnisbekov ashyp, sóz kezegin moderator – Qazaqstan Respýblıkasy Baspa jáne polıgrafııa isiniń qaıratkeri, fılologııa ǵylymdarynyń kandıdaty, Qazaqstan halyqtary Assambleıasynyń múshesi, baspager, ǵalym Ǵarıfolla Áneske berdi.
Qazaqstannyń eńbek sińirgen jattyqtyrýshysy Ámın Tuıaqov, fılologııa ǵylymdarynyń doktory, QR Ulttyq ǵylym akademııasynyń akademıgi, ǵalym, professor О́mirzaq Aıtbaev, tarıhshy, tarıh ǵylymdarynyń kandıdaty Samat О́tenııazev, fılologııa ǵylymdarynyń doktory, synshy, ǵalym Dandaı Ysqaq, qoǵam qaıratkeri, aqyn Temirhan Medetbek jáne taǵy basqa zııaly qaýym ókilderi Ábish Kekilbaev týraly estelikterin aıtyp, jyly lebizderimen bólisti.
Shara aıasynda QR Ulttyq kitaphanasy qorynan Ábish Kekilbaevtiń ómiri men shyǵarmashylyǵyna arnalǵan kitap kórmesi uıymdastyryldy.
ALMATY