Táýelsizdik merekesi kúninde Taldyqorǵan qalasynda baspana kezeginde turǵan 55 otbasy qonys toıyn toılady.
Oblys ortalyǵy mańynan boı kótergen kottejd qalashyǵyn endi kópbalaly analar, úı kezeginde turǵan qala turǵyndary, basqa da áleýmettik toptardyń ókilderi meken etedi. Aýmaqta salynǵan eki qabatty turǵyn úı tirshilik etýge qolaıly. 10 sotyq jer telimi bar, tabıǵı gaz jelisine qosylǵan. Turǵy úıdiń jalpy aýmaǵy 90 sharshy metr.
- 15 jyl úıdiń kezeginde turdym. Jalǵyzbasty anamyn. 3 balam bar. Búgin úı buıyrdy. Bul baspana jekeshelendirýge jatpaıdy eken, degenmen kisi esiginde júrgennen jaqsy. Balalar qýanyp júr, - deıdi qala turǵyny Raýza Qazaqbaıqyzy.
Jalpy, Táýelsizdik merekesiniń aıasynda oblysta baspanaly bolǵan turǵyndar sany júzge jýyqtady.