Qazaqstan Respýblıkasynyń Táýelsizdigi kúnine oraı Mańǵystaý oblysy Polısııa departamentinde merekelik shara ótti. Bul týraly Mańǵystaý oblysy Polısııa Departamentiniń baspasóz qyzmeti habarlady.
Memlekettik Ánuranmen ashylǵan konsert barysynda ataýly kúnge baılanysty arnaıy daıyndalǵan beınerolık kórsetildi.
Departament basshysy Q.Taımerdenov Ishki ister mınıstri E.Turǵymbaevtyń atynan kelgen quttyqtaý hatyn jeke quramǵa jetkizip, mınıstrdiń buıryǵymen qyzmettik mindetterin adal atqarǵany úshin, jumysta joǵary nátıjelerge qol jetkizgeni úshin jáne Qazaqstan Respýblıkasynyń Táýelsizdik kúnin merekeleýge baılanysty:
- PD Tyldyq qamtamasyz etý basqarmasynyń bastyǵy polısııa podpolkovnıgi N. Muhanbetqalıǵa merziminen buryn «polkovnık» arnaıy ataǵy berildi;
- Munaıly aýdany Polısııa bólimi Jergilikti polısııa qyzmeti bólimshesiniń ýchaskelik polısııa ınspektorlary tobynyń ýchaskelik polısııa ınspektory polısııa kapıtany O.Ahovqa «maıor» arnaıy ataǵy berildi;
- PD Jergilikti polısııa qyzmeti basqarmasynyń bastyǵy M. Omarov «Quqyq tártibin qamtamasyz etýge qosqan úlesi úshin» medalimen marapattaldy. О́zge de polıseıler joǵary nagradalarmen marapattaldy.
Mańǵystaý oblysy ákiminiń orynbasary Q. Jumashev merekemen quttyqtap, birqatar azamattarǵa Mańǵystaý oblysynda qoǵamdyq qaýipsizdik pen zańdylyqty saqtaýda óz qyzmettik mindetterin adal atqarǵandary úshin jáne Qazaqstan Respýblıkasynyń Táýelsizdik kúni merekesine oraı Mańǵystaý oblysy ákiminiń Alǵysyn jarııalady.
Shara sońy M.О́skinbaev atyndaǵy oblystyq fılarmonııasy ónerpazdarynyń jáne IIO qyzmetkerleriniń konsertimen jalǵasty.