Elorda ákimdiginde «Qazaqstan Respýblıkasynyń máslıhattaryna 25 jyl» medaldarymen, Qazaqstan Respýblıkasynyń Prezıdentiniń, Qazaqstan Respýblıkasynyń Parlamenti Senaty men QHA( Qazaqstan halqy assambleıasy) tóraǵasynyń Alǵys hattarymen depýtattar men máslıhat depýtattary marapattaldy. Bul týraly Nur-Sultan qalasy ákimdiginiń baspasóz qyzmeti habarlady.
«Qazir VI shaqyrylym. VI shaqyrylym ýaqytynda 347 sessııa men 2400-den astam suraqtar talqylandy. Bul turǵyndarǵa tikeleı baılanysty máseleler. Eger biz ómir súrý sapasynyń artýy týraly aıtatyn bolsaq, 1998 jyly qazaqstandyqtardyń ortasha ómir súrý uzaqtyǵy 65 jyl bolsa, qazir 76 jasqa deıin ósim baıqalady. Bul naqty nátıje. Eger 10 jyl buryn qalada 605 myń adam tursa, qazir 1 mıllıon 200 myń adam turyp jatyr. Sáıkesinshe, áleýmettik obektilerge júkteme ósýde, olardy sheshý úshin biz birlese jumys isteýimiz kerek. Sizderdi máslıhattardyń qurylǵanyna 25 jyl tolýymen quttyqtaımyn. Siz úlken jáne jaýapty jumys atqaryp kelesiz», dedi elorda ákimi A. Kólginov.
Sonymen qatar kún tártibinde qalanyń áleýmettik-ekonomıkalyq damýy, áleýmettik sala, úlestik qurylys, bilim berý jáne medısına máseleleri qaraldy. Sondaı-aq eldi-mekenderdi, jol ınfraqurylymyn, gazdandyrýdy jáne t. b. damytý máseleleri kóterildi.