«Beıneý-Shetpe» trassasynda «Gaz-30232-244» markaly avtokólikpen eshqandaı qujattary joq baýyzdalǵan 3 bas jylqyny Aqtaý qalasyna alyp bara jatqan jerinen Mańǵystaý aýdany Polısııa bóliminiń qyzmetkerlerimen toqtatylǵan. Bul týraly Mańǵystaý oblystyq polısııa departamenti baspasóz qyzmeti habarlady.
Beıneý APB qyzmetkerleri júrgizilgen is-sharalar nátıjesinde atalǵan 3 bas jylqynyń ıesi Boranqul selosynyń turǵyny ekendigi anyqtaldy.
Keıinnen belgili bolǵandaı, Boranqul selosynan 30 shaqyrym jerde belgisiz bireýler óriste júrgen 2 bas bıesin jáne 1 bas aıǵyryn myltyq qarýymen atyp, sodan soń atyp alǵan 3 bas jylqyny soıyp, belgisiz avtokólikke tıep urlap ketken. Keltirilgen shyǵyn somasy – 1 350 000 teńge.
Bul derek boıynsha Qazaqstan Respýblıkasynyń QK-niń 188-babynyń 2-bóligi 1-tarmaǵymen SDTBT-ne tirkelip, jan-jaqty tergep-tekserý jumystary júrgizilýde. Kúdikti ýaqytsha qamaý abaqtysynda.