Sońǵy kúnderi ǵana oblys aýmaǵynda 9 órt shyǵý faktisi tirkelip, 1 adam mert bolyp, 1 adamdy aýyr kúıik shalǵan.
О́rttiń 3-eýi Petropavl qalasynda , qalǵandary aýdandarda oryn alǵan. Músirepov aýdanynda jeńil avtokólik qyzyl jalynǵa oransa, Mamlıýt aýdanynda monsha túgi qalmaı janyp ketken. Al oblys ortalyǵynyń Jumysshy kentinde ornalasqan 8 mart kóshesindegi úılerdiń birinde elektrsymdarynyń qysqa tuıyqtalý saldarynan órt shyqqan. Saldarynan 80 jastaǵy qarııa kóz jumsa, uly aýyr jaraqattarmen aýrýhanaǵa jetkizilgen.
«Petropavl qalasynda kóp qabatty otbasylyq jataqhana órtendi. Abyroı bolǵanda zardap shekkender joq. 10 adam qutqarylyp, 50 turǵyn qaýipsiz jerge shyǵaryldy. Adamdar qarapaıym qaýipsizdik erejelerin saqtaı bermegendikten osyndaı oqys oqıǵalar jıi týyndap jatady», deıdi tótenshe jaǵdaılar jónindegi departamenttiń basqarma basshysy Igor Baleev.