Almaty oblysynyń ortalyǵynda jańa jyl merekesine oraı bezendirý jumysy bastaldy. Bıyl qalany kóz jaýyn alatyndaı etip árleýge «Narýjnaıa reklama» seriktestigi jumyldyrýda.
Taldyqorǵannyń jańa jyldyq kelbetin talapqa saı daıyndaýǵa jergilikti bıýdjetten 24 500 000 teńge qarjy bólingen. Bezendirý jumystary 21 jeltoqsan kúni aıaqtalyp, qala merekege saqadaı - saı bolýy tıis.
Aıtpaqshy, bıyl qalanyń 3 aýdanynda jańa jyldyq shyrsha ornatylady. Negizi mereke ortalyq alańda toılanatyn bolǵandyqtan, oblys ákimdigi aldyna úlken shyrsha quryldy. Shyrshanyń quny - 9 109 004,80 teńge. Taǵy bir shyrsha Qartal jaǵalaýyndaǵy demalys aýmaǵyna qurylmaq. Buǵan jumsalatyn shyǵyn - 1 817 515 teńge shamasynda. Al «Jastar» parkine qurylǵan jańa jyldyq shyrsha da qala bıýdjetine 2 182 388, 32 teńgege túsip otyr. Shyrshalardy ornatý, bezendirý jumysymen «Vıktorııa» jaýapkershiligi shekteýli seriktestigi aınalysýda.
Almaty oblysy