Jangeldın aýdanynda «Tatýlastyrý ortalyǵy» ashyldy. Onda azamattarǵa tıisti qyzmetter kórsetý úshin túrli qujattar qoıylǵan, jıhazben jabdyqtalǵan. Ortalyqtyń ashylý rásiminde aýdan ákimi Shota Ospanov Qazaqstannyń basty jetistikteriniń biri bul ultaralyq birlik pen qoǵamdyq kelisim ekenin atap ótti.
«Búginde qazaqstandyqtar Ult Josparyn iske asyrý aıasyndaǵy otandyq sot júıesinde júrip jatqan reformalar men aýqymdy quqyqtyq túsindirý jumystarynyń arqasynda daý-sharlardy sotqa jetkizbeı tatýlastyrý rásimderiniń kómegimen sheshý sot talqylaýynan góri anaǵurlym tıimdi ári jyldam ekendigin túsindi» dedi Shota Ospanov.
Aýdandyq sot tóraǵasy Joldybaı Metaev aıtqandaı, aýdandyq sotta biraz jyldar boıy sotta qaralatyn ister boıynsha tatýlastyrý rásimderi júrgizilgen medıasııa kabıneti jumys jasap kelgenin atap ótti. Osy jyldyń basynda «Tatýlasý: sotqa deıin, sotta» pılottyq jobasyn iske asyrý aıasyndaǵy medıasııa kabıneti negizinde Tatýlastyrý ortalyǵyn ashý týraly sheshim qabyldandy. Tatýlastyrý ortalyǵynda turaqty negizde halyqqa tegin zań jáne psıhologııalyq kómek kórsetetin, sonymen qatar halyqty quqyqtyq saýattylyqqa úıretetin Bıler keńesiniń músheleri, medıatorlar, áleýmettik zańgerler jumys jasaıdy. Bul jóninde múddeli memlekettik organdar men «Alıans» zań keńesshileri Palatasynyń ókilimen tıisinshe kelisim jasalǵan.
Qostanaı oblysy,
Jangeldın aýdany