Bul týraly Memleket basshysy Ulttyq qoǵamdyq senim keńesiniń ekinshi otyrysynda aıtty.
«Osy ýaqyt ishinde Ulttyq keńeste aıtarlyqtaı jumys atqaryldy, onyń naqty nátıjeleri de bar. Memlekettik apparatqa, Prezıdent ákimshiligine Ulttyq keńes jumysyna barynsha qoldaý kórsetýdi tapsyrdym. Bıliktiń halyqpen dıalog ornatýǵa, reforma jasaýǵa múddeli ekenine eshkimniń kúmáni joq dep oılaımyn. Ulttyq qoǵamdyq senim keńesi demokratııany nyǵaıtýǵa, qoǵamnyń bılikke degen senimin arttyrýǵa úlken serpin beredi dep sanaımyn. Bizdiń jumysymyzǵa halyqaralyq uıymdar joǵary baǵa berip otyr»,- dedi Memleket basshysy, Ulttyq keńes tóraǵasy Qasym-Jomart Toqaev.