Bul týraly О́ńirlik kommýnıkasııalar qyzmeti alańynda ótken brıfıngte Mańǵystaý oblysynyń ákiminiń birinshi orynbasary Álıhan Qyraýbaev aıtty.
2020 jylǵa arnalǵan oblys bıýdjeti kólemi bekitildi (RB – 50 mlrd teńge, MB – 160 mlrd teńge). Bul osy jyldyń bekitilgen bıýdjetinen 17 mlrd teńgege nemese 9% artyq.
Qoldanystaǵy salyqtyq zańnamaǵa engizilgen ózgeristerge sáıkes, 2020 jyldan bastap jergilikti bıýdjettiń kirister bazasyna shaǵyn jáne orta bıznes sýbektilerinen túsetin korporatıvti tabys salyǵy berildi.
Bekitilgen bıýdjet kólemindegi atalǵan salyqtyń úlesi 13 mlrd teńge. Oblys — respýblıkalyq bıýdjettiń donory. 2020 jylǵa belgilengen bıýdjettik alymdar kólemi – 8,2 mlrd teńge (2019 jyl – 35,4 mlrd teńge). Bıýdjet qurylymynyń negizgi úlesin 60% áleýmettik sala shyǵystary quraıdy — 123 mlrd teńge (2019 jyl — 108 mlrd teńge) nemese ósim 14%.