Ekologııa, geologııa jáne tabıǵı resýrstar Mınıstrliginiń jańa jyl merekesinde tabıǵı shyrshalardan bas tartý jónindegi bastamasynqoldaý maqsatynda halyqaralyq «jasyl» tehnologııalar ortalyǵynda ekologııa vıse-mınıstri Ahmetjan Pirimqulov, HJTO jáne О́KM Operatory kompanııasy basshysynyń qatysýymen «Eko-shyrsha» chellendji bastaý aldy.
Shara aıasynda plastıkalyq bótelkelerden shyrsha daıyndaldy. Jasandy shyrshany jasaý kezinde 250-ge tarta plastıkalyq ydys qoldanyldy. Eko-shyrshanyń bıiktigi 2 metrden asady. Osylaısha eko-shyrsha avtory qorshaǵan ortany qorǵaý maqsatynda tabıǵı shyrshadan bas tartyp, jasandy shyrshalardy paıdalanýdy dástúrge aınaldyrýdy kózdep otyr. Aıta ketý kerek, shyrshaǵa taǵylǵan oıynshyqtar balalar qolynan jasalǵan týyndylarmen bezendirildi.
Biz úshin balalardyń mektep qabyrǵasynan bastap ekologııanyń ne ekenin jáne elimizdiń tabıǵaty úshin alańdaıtyndyǵy asa mańyzdy. Osydan bastap balalardyń ózi-aq ata-analardy eko-bastamalarǵa shaqyratyn bolady. Mınıstrliktiń bul bastamasyn О́KM Operatory men mektep oqýshylar qoldap, plastıkten shyrsha jáne oǵan oıynshyqtar daıyndaǵany kóńil qýantady, – dedi ekologııa, geologııa jáne tabıǵı resýrstar vıse-mınıstri Ahmetjan Pirimqulov.
Mınıstrliktiń ekologııalyq ıgi bastamasynAqtóbe oblysyndaǵy qaldyq shyǵaratyn «Neo-plıýs» kompanııasy odan ári qoldaýǵa daıyn ekendigin bildirdi. Kásiporyn qazir 3 metrlik plastık shyrshanyń qańqasyn ázirlep jatyr. Odan ári estafeta Qaraǵandy, Kókshetaý, Shymkent, О́skemen jáne Almaty qalalaryndaǵy mamandandyrylǵan kásiporyndarǵa joldanatyn bolady.
Sonymen qatar ekologııalyq taqyryptaǵy jańa jyldyq bezendirýler Nur-Sultan qalasy men Qaraǵandy oblysynyń mektepterinde de jalǵasyn tabady.
«Eko-shyrsha» jańa jyldyq chellendjin uıymdastyrýshylardyń basty maqsaty – tabıǵı shyrshalardy shabýdan saqtaý. Jáne osy bastamaǵa qazaqstandyqtardy shaqyrý.
Jańa jyldyq merekeden keıin jasandy shyrshalar shıkizat retinde qaıta óńdeýge jiberiledi.