Halyqaralyq fýtbol federasııasynyń (FIFA) resmı saıtynda fýtboldan ulttyq quramalardyń jeltoqsan aıyna arnalǵan reıtıngi jarııalandy. Jańartylǵan tizimde Qazaqstan jyldy 118-orynmen túıindedi. Ulttyq qurama qorjynynda 1155 upaı bar.
О́zge quramalarmen salystyrar bolsaq, Farer araldary (110-oryn), Mozambık (105), Mavrıtanııa (100), Kıpr (95), Madagaskar (91), О́zbekstan (85), Kıýrasao (80) sekildi elder bizden joǵary orynǵa jaıǵasqan. Al reıtıngtiń kóshin 1765 upaımen Belgııa quramasy bastap tur. Byltyrǵy álem chempıondary – Fransııa (1733) ekinshi, Amerıka kýbogynyń ıegeri Brazılııa (1712) úzdik úshtikti qorytyndylap tur.
Qazaqstan quramasy 2019 jyly Eýro-2020 irikteý kezeńine qatysyp, alty eldiń ishinde 5-oryn ıelendi. Mıhal Bılektiń shákirtteri úsh ret jeńiske jetip, bir ret teń tústi. Sondaı-aq alty oıynda jeńilistiń kermek dámin tatty. 10 oıynda 10 upaı jınaǵan otandastarymyz qarsylas quramanyń qaqpasyna 13 gol soǵyp, qaqpamyzǵa 17 gol ótkizip aldy.