Memleket basshysy Qasym-Jomart Toqaev Reseı Federasııasynyń Qazaqstandaǵy elshisi Alekseı Borodavkındi qabyldady, dep habarlady Prezıdenttiń baspasóz qyzmeti.
Kezdesý barysynda Qazaqstan men Reseıdiń strategııalyq seriktestiginiń qazirgi ahýaly men damý perspektıvalary talqylandy.
Qasym-Jomart Toqaev ekijaqty qatynastardyń damý qarqynyna oń baǵa berip, yqpaldastyqtyń barlyq baǵyty boıynsha, atap aıtqanda, saýda-ekonomıka, ınvestısııa, ónerkásip jáne mádenı- gýmanıtarlyq salalarda ilgerileý baıqalatynyn atap ótti.
Alekseı Borodavkın joǵary deńgeıde qol jetkizilgen ýaǵdalastyqtardyń oryndalý barysy, sondaı-aq elshiliktiń eki memleket arasyndaǵy yntymaqtastyqty nyǵaıtý baǵytynda atqaryp jatqan qyzmeti týraly málimet berdi.