«Aq jol» partııasy Prezıdent Q.Toqaevtyń ústimizdegi jyldyń 20 jeltoqsanynda Ulttyq qoǵamdyq senim keńesi otyrysynda bergen tapsyrmalaryn qoldaıdy.
Partııa tóraǵasy Azat Perýashev málimdegendeı, Memleket basshysynyń saıası júıeni reformalaý jóninde aıtqan mıtıngiler týraly habarlaý rásimine kóshý, saıası partııalardy qurýdy jeńildetý, parlamenttik oppozısııa ınstıtýtyn biriktirý, bıýdjettiń jumsalýyna saıası jáne qoǵamdyq baqylaýdy engizý syndy tapsyrmalary qoǵamnyń balama jolmen damýyn bildiredi.
«Aq jol» partııasy qoǵamnyń aldynda bıliktiń ashyqtyǵy men esep berýiniń strategııalyq baǵyty Tuńǵysh Prezıdent Nursultan Nazarbaev qabyldaǵan «100 naqty qadam» Ult josparynda bekitilgenin atap ótý mańyzdy dep sanaıdy.
Prezıdent Q.Toqaev memlekettiń kemeldigi men batyldyǵyn qajet etetin osy vektordy keńinen iske asyrýdy bastady. О́tken prezıdenttik saılaýda saıası básekelestiktiń kúsheıe túskenin aıqyn kórsetti. Osylaısha elde júrgizilip jatqan memlekettik demokratııalandyrý saıasatynyń sabaqtastyǵy men progressıvti sıpaty kórsetildi.
«Aq jol» partııasy usynylǵan demokratııalyq bastamalardy is júzinde júzege asyrý boıynsha Parlamentke naqty usynystaryn berýge daıyndalyp jatyr.
«Aq jol» partııasy Prezıdent Q.Toqaevqa Qazaqstan Respýblıkasynyń saıası júıesin yryqtandyrýdaǵy bastamalary úshin alǵys aıtyp, hat joldady.