KÚLLI ÁLEMNIŃ KÚLKISI
– Áıelimniń kózine kúl túsip, pora-pora kóz jasyn dárigerge jeti myń teńge berip emdetip áreń-páreń tyıdyrttym.
– Meniń de áıelimniń kózine bazardaǵy qymbat palto túsip... kóz jasyn jetpis myń teńge berip áreń-páreń tyıdyrdym...
***
Onore de Balzak grafologııamen aınalysqandy, ıaǵnı adamnyń jazýyna qarap minez-qulqyn, bolashaǵyn ajyratýdy jaqsy kórgen eken. Bir bıkesh Balzakqa oqýshynyń dápterin kórsetedi de, jazýyna qarap oqýshynyń bolashaǵy týraly aıtyp berýin ótinedi.
– Siz bul balanyń sheshesisiz be?
– Joq.
– Onda men bar shyndyqty aıta alady ekenmin: bul bala – jeńiltek, jalqaý ári topas. Onyń qolynan esh jaqsylyq kelmeıdi.
Bıkesh ishek-silesi qatyp kúledi.
– Balzak myrza, siz qalaısha ózińizdiń jazýyńyzdy tanymaı qaldyńyz? Bul sizdiń mektepte oqyp júrgendegi dápterińiz ǵoı...
Sol kúnnen bastap Balzak grafologııamen aınalasýyn doǵarypty.
***
Eki kempir áńgimelesip otyr. Jasy úlkeni:
– Meniń balam «reket» degen qyzmetke turyp, úıimizge kúndiz-túni dúnıe-múlikti tasyp-aq tıtyqtap bitetin boldy.
Álgi eki kempir taǵy da áńgime soǵyp otyr. Jasy úlkeni:
– Áneýkúngi balamnyń jumysy aýysyp, «kasek» degen qyzmetke turypty da, endi dúnıe- múlikterdi syrtqa tasyp tıtyqtap-aq bitti.
***
– Balamnyń mamasy-aý, ásheıinde telefon tutqasyna bir jabyssań – áıda kósilip... aıda túspeýshi ediń, mynaýyńmen bar bolǵany jarty-aq saǵat sóılestiń ǵoı?!
– E, ádirem qalǵyrdy, telefon nómirin durys termeppin...