Qazaqtyń tuńǵysh ǵaryshkeri – Qazaqstannyń Halyq Qaharmany, Keńes Odaǵynyń Batyry, KSRO-nyń eńbegi sińgen ushqysh-synaqshysy, avıasııa general-maıory Toqtar Áýbákirov Almaty mańyna qulaǵan Bek Air kompanııasy ushaǵynda qaza tapqan Qazaqstannyń generaldar keńesiniń tóraǵasy Rústem Esimhanuly Qaıdarovtyń otbasyna, ushaq apatynan kóz jumǵan basqa da marqumdardyń otbasylarynyń qaıǵysyna ortaqtasyp, kóńil aıtty.
«Jyl aıaqtalar tusta qabyrǵamyzǵa qatty batqan qaıǵyly oqıǵa bizdiń ǵana emes kúlli álem jurtshylyǵynyń nazaryn ózine aýdardy. General Qaıdarov quqyq qorǵaý salasynyń ǵana bilgiri emes, elimizdiń shynaıy patrıoty retinde táýelsiz elimizdegi barlyq salalyq generaldardyń basyn qosyp, olardyń tájirıbesin keıingi urpaqqa úıretýshi ustaz edi. Apatqa ushyraǵandardyń barsha jaqyndary men týystaryna sabyr tileımin», delingen habarlamada.