Chehııada shaıbaly hokkeıden jastar arasynda ótip jatqan álem birinshiliginde Qazaqstan quramasy qatarynan úshinshi ret jeńilis tapty.
Buǵan deıin Shveısarııa men Slovakııaǵa ese jibergen jerlesterimiz ile-shala Fınlıandııadan utyldy. Bul kezdesýde Sýomı eliniń ókilderi qazaqstandyqtardyń qaqpasyna jeti gol soqsa, bizdiń jigitter nysanany bir márte ǵana dál kózdeı aldy. Esep – 7:1. Endi otandastarymyz Shvesııa hokkeıshilerimen sheberlik baıqasady.
Al «V» tobyndaǵy básekeler AQSh, Reseı, Kanada, Chehııa jáne Germanııa komandalary arasynda ótýde. Shırek fınalǵa joldama alǵan quramalar jarysty jańa jyldan keıin jalǵastyrsa, júldegerler men jeńimpazdar 5 qańtarda anyqtalady.