Qaraǵandynyń «Shahter» fýtbol klýbynyń jańa bas jattyqtyrýshysy bolyp ýkraınalyq maman Vıacheslav Groznyı taǵaıyndaldy, dep habarlady atalǵan komandanyń baspasóz qyzmeti.
Alpys úsh jastaǵy bapkermen kelisim-shart bir jyl merzimge jasaldy.
Vıacheslav Groznyıdyń sońǵy jumys orny ýkraınalyq «Arsenal-Kıev» klýby boldy. Jańa bapkerdiń Ýkraına, Reseı, Bolgarııanyń klýbtaryna ár jyldary jetekshilik etken úlken jumys tájirıbesi bar. Qazaqstanda ol Qostanaıdyń «Tobyl» jáne Pavlodardyń «Ertis» komandalaryn jattyqtyrǵan.
Sonymen qatar ol «Levskı» (Bolgarııa), «Terek» (Reseı), «Dınamo» (Grýzııa) jáne Ýkraınanyń «Arsenal» (Kıev), «Metallýrg» (Zaporoje) jáne «Gverla» klýbtarynyń bapkeri boldy.