Oblys polıseıleri 157 atys qarýy men 615 dana oqty zalasyzdandyrdy.
Joıylǵan otqarýdyń denin turǵyndar óz erkimen quqyq qorǵaý organdaryna ákelip tapsyrǵan. Byltyr 97 adam eski qarý-jaraq pen oq-dári ótkizip, olarǵa syıaqy retinde 6,5 mln teńge bıýdjet qarjysy jumsalǵan eken.
Alaıda, turǵyndar arasynda zańsyz qarý saqtaıtyndar qatary azaımaı otyr. Máselen, 1 qańtar kúni Taldyqorǵan qalasyndaǵy polısııa patrýli kúdikti kóringen kólikti toqtatyp, tekserý kezinde otqarý tapty. «BMB» kóligin tizgindegen 19 jastaǵy jigit 16 kalıbrli myltyq pen gaz pıstoletiniń ruhsat qaǵazyn kórsete almaǵan. Tekserý kezinde zańsyz qarý-jaraqtyń tirkeý nómiri qoldan óshirilgeni anyqtaldy.