Senattyń Agrarlyq máseleler jáne qorshaǵan ortany qorǵaý komıtetinde “Qazaqstan Respýblıkasy men Reseı Federasııasy arasyndaǵy “Baıqońyr” keshenin tıimdi paıdalaný jónindegi yntymaqtastyqty damytý týraly kelisimdi ratıfıkasııalaý týraly” zań jobasy talqylandy.
Kelisimge 2004 jylǵy 9 qańtarda Astana qalasynda qol qoıyldy.
Kelisimniń maqsaty ǵarysh aılaǵyn ózara paıdaly yntymaqtastyqty damytý, birlesken ǵaryshtyq jobalardy iske asyrý, onyń ishinde ekologııalyq qaýipsizdik deńgeıi joǵary “Báıterek” zymyran-ǵarysh keshenin qurý bolyp tabylady.
Kelisim aıasynda, sonymen qatar, “Baıqońyr” keshenin Reseı Federasııasynyń jaldaý merzimin 2050 jylǵa deıin uzartý kózdelgen.
Zań jobasy palatanyń qaraýyna jiberiletin boldy, dep habarlady Parlament Senatynyń baspasóz qyzmeti.