Qaraǵandy oblystyq polısııa departamentinde tergeý jáne jedel-krımınalıstıkalyq bólimsheler boıynsha 2019 jyldyń jumysy qorytyndylanyp, úzdik dep tanylǵan qyzmetkerler marapattarǵa ıe boldy, dep habarlady atalǵan vedomstvonyń baspasóz qyzmeti.
Sátbaev qalalyq polısııa bóliminiń aǵa tergeýshisi, polısııa aǵa leıtenanty Maqsat Kenjebek «Qaraǵandy oblysynyń úzdik tergeýshisi» atansa, Sátbaev qalalyq ishki ister bóliminiń tergeý bólimshesi «Úzdik tergeý bólimshesi» dep tanyldy.
«Qaraǵandy oblysynyń úzdik aýyldyq tergeý bólimshesi» ataǵyna Prıozersk qalalyq ishki ister bóliminiń tergeý bólimshesi ıe boldy.
Oktıabr aýdandyq polısııa bóliminiń krımınalısi Sultan Jandybaev «Qaraǵandy oblysynyń úzdik krımınalısi» atandy.
Al Ońtústik-Shyǵys polısııa bóliminiń jedel-krımınalıstıkalyq bólimshesine 2019 jyldyń «Úzdik krımınalıstıkalyq bólimshesi» ataǵy berildi.