Semserlesýden Qazaqstan quramasy jańa maýsymdaǵy jarystardy bastaıdy. Qańtar aıynda otandyq sportshylar birneshe iri baıraqty básekege qatysady, dep habarlady UOK baspasóz qyzmeti.
8-13 qańtar aralyǵynda Kanadanyń Monreal qalasynda qylyshtasýdan erler men áıelder arasyndaǵy Gran-prı týrnıri ótedi. Atalǵan synǵa Qazaqstan atynan Áıgerim Sarybaı men Ilıa Mokresov qatysady. 9-13 qańtar kúnderi Kýbanyń Gavana qalasynda semserlesýden áıelder arasyndaǵy álem kýbogy kezeńiniń jeńimpazdary anyqtalady. Atalǵan synda Ýlıana Balaganskaıa synǵa túsedi. Sondaı-aq 9-13 qańtar aralyǵynda Germanııanyń Haıdenhaım qalasynda semserlesýden erler arasyndaǵy álem kýbogy ótedi. Germanııadaǵy básekege Dmıtrıı Aleksanın, Rýslan Kýrbanov, Elmır Álimjanov, Vadım Sharlaımov, Dmıtrıı Adaıkın jáne Sertaı Erlik qatysady.