Bortynda 180 jolaýshy men ekıpaj múshesi bar Boeing 737 ushaǵy tańerteń Tegeranda Imam Homeını atyndaǵy áýejaıdan ushqannan keıin kóp uzamaı apatqa ushyraǵan. Bul týraly Irannyń ISNA aqparat agenttigi habarlady.
Irannyń jedel medısınalyq kómek qyzmetiniń basshysy Pırhoseın Kýlıvandtyń aıtýynsha, qutqarýshy brıgada apat ornyna jiberilgenimen, ushaqtaǵy órttiń kesirinen kómek kórsete almaı otyr.
FlightRadar 24 ushýdy baqylaý qyzmeti Twitter paraqshasynda ushaq úsh jarym jyl boıy paıdalanýda bolǵanyn habarlady.
Agenttiń málimetine sáıkes, apat tehnıkalyq qıyndyqtarǵa baılanysty bolǵan.
Boeing kompanııasy BAQ-taǵy apat týraly aqparattan habardar ekenin jáne qosymsha zertteý júrgizilip jatqandyǵyn habarlady.
Qazaqstan Respýblıkasynyń Syrtqy ister mınıstrligi ushaq bortynda qazaqstandyqtardyń bar-joǵyn tekserip jatqanyn aıtty.
«Ushaq apatynan habardarmyz. Qazir QR Syrtqy ister mınıstrliginiń Irandaǵy ókilderi ushaq bortynda qazaqstandyqtardyń bar-joǵyn tekserip jatyr. Irandaǵy dıplomattardan habar kútip otyrmyz. Olar Irannyń quzyretti organ qyzmetkerlerimen baılanysta otyr. Aqparat kelgen kezde habarlama taratamyz», - dedi SIM Baspasóz qyzmeti basqarmasynyń basshysy Nurbek Almashev.