Ýkraına Prezıdenti Volodımır Zelenskıı Irandaǵy ushaq apatyna baılanysty qaza tapqan jolaýshylar men ekıpaj músheleriniń jaqyndaryna kóńil aıtty.
«Taıaý Shyǵystan sýyt habar. Búgin tańerteń Imam Homeını halyqaralyq áýejaıynan ushqan Ýkraına halyqaralyq áýe joldary avıakompanııasynyń jolaýshylar ushaǵy apatqa ushyrap, áýejaıǵa jaqyn jerde qulady. Aldyn ala málimet boıynsha ushaq bortyndaǵy barlyq jolaýshylar men ekıpaj músheleri qaza tapty. Bizdiń elshilik qaıǵyly jaǵdaı týraly aqparatty jáne qaza bolǵandardyń tizimin naqtylap jatyr. Barlyq jolaýshylar men ekıpaj músheleriniń týǵan-týysqandary men jaqyndaryna shyn júrekten kóńil aıtamyn» dep jazdy Ýkraına Prezıdenti.
Sońǵy málimetke sáıkes, ushaq bortynda barlyǵy 176 adam bolǵan, 167 jolaýshy men 9 ekıpaj múshesi.
Osyǵan deıin bortynda 180 jolaýshy men ekıpaj múshesi bar Boeing 737 ushaǵy tańerteń Tegeranda Imam Homeını atyndaǵy áýejaıynan ushqannan keıin kóp uzamaı apatqa ushyraǵanyn habarlaǵan edik.
Syrtqy ister mınıstrligi ushaqta Qazaqstan azamattary bolmaǵanyn habarlady.