2019 jyldyń qańtar-qarasha aılarynda Qazaqstanda aýyl sharýashylyǵy ónimderin óndirý quny 4 trıllıon 909 mıllıard 820 mıllıon teńge boldy. Bul týraly Aýyl sharýashylyǵy mınıstrliginiń baspasóz qyzmeti habarlady.
Bul kórsetkish 2018 jylǵy 11 aımen salystyrǵanda 672 mıllıard teńgege nemese 15,8 paıyzǵa joǵary. Onyń ishinde, ósimdik sharýashylyǵynda 2 trıllıon 867,6 mıllıard teńgege (ósim 19,1 paıyz), aýyl sharýashylyǵynda – 2, 03 trıllıon teńgege (ósim 10,4 paıyz) ónim óndirilgen.
Elimizdegi ósimdik ónimderiniń óndirisinde dástúrli túrde Soltústik Qazaqstan (475 mıllıard teńge), Almaty (472 mıllıard teńge), Aqmola (348 mıllıard teńge) jáne Túrkistan (346 mıllıard teńge) oblystary kósh bastap tur. Bul óńirler respýblıka boıynsha jalpy kólemdegi óndiristiń negizgi ósýin qamtamasyz etti. О́ndirilgen ónimderdiń basym kópshiligin dándi daqyldar quraıdy. Mal sharýashylyǵynda byltyrǵydaı Almaty oblysy (323 mıllıard teńge), Shyǵys Qazaqstan (281 mıllıard teńge) jáne Túrkistan (243 mıllıard teńge) oblysy aldyńǵy qatarda tur.
Mal men qus óndirisinde atalǵan oblystar da turaqty ósim kórsetip otyr. Osyǵan deıin elimizde aýyl sharýashylyǵy salasynda mıllıonnan astam qazaqstandyq jumyspen qamtylǵany aıtyldy.