О́tken jyl án-jyrdyń altyn besigi atanǵan Aqmola óńiriniń kórkemónerpazdary úshin sátti jyl boldy. Shynaıy sheberlikteri, tabıǵı talanttarynyń arqasynda top jarǵan kezeńderi az emes.
Oblystyń kórkemónerpazdary «Kókshetaý», «Dostar» mádenıet saraılarynyń ujymdary «Rýhanı jańǵyrý» baǵdarlamasynyń «Zamanaýı Qazaqstan jahandyq álemdegi» arnaıy jobasy aıasynda Reseı Federasııasynyń Máskeý, Sankt-Peterbýrg, Sochı qalalarynda, Ońtústik Koreıanyń Seýl qalasynda, Mońǵolııa, Polsha Respýblıkasynda, Túrkııa Respýblıkasynyń Antalııa qalasynda, Grýzııa Respýblıkasynyń Batýmı qalasynda ótken halyqaralyq festıvaldar men baıqaýlaryna qatysty.
«Polıanka» balalar úlgili horeografııalyq ujymy Qazan qalasynda ótken «Tansemanııa» atty horeografııa óneriniń halyqaralyq baıqaýynda «Halyqtyq stılızasııa» jáne «Estradalyq bı» nomınasııalarynda I dárejeli laýreat dıplomdarymen marapattaldy. Sonymen qatar, bul ansambl bı mádenıetiniń joǵarǵy organy CID — Halyqaralyq Bı Keńesiniń múshesi tıtýlyna ıe bolyp, 2020 jyldyń maýsymynda Máskeý qalasynda Kreml memlekettik saraıynda ótetin Gran-Prı kezeńderiniń fınalyna qatysýǵa shaqyrý aldy. Sondaı-aq, Nur-Sultan qalasynda ótken «Qos alqa – 2019» respýblıkalyq televızııalyq bı baıqaýynda «Shalqyma» halyq bı ansambli Gran-Prı júldesin utyp aldy.