Byltyr áýejaı elimizdegi «Samuryq-Qazyna» ulttyq ál-aýqat qorynyń ıeliginen oblys ákimdiginiń kommýnaldyq menshigine berildi. Qazir áýejaı jumysyn jaqsartý jumystary júrgizilip jatyr.
Oblys ortalyǵyndaǵy «Pavlodar áýejaıy» AQ málimetinshe, aldaǵy jyldary elimizdiń ózge óńirlerine jyldam, qolaıly ári qaýipsiz jetý múmkindigi jasalýda.
Bul maqsat úshin oblys ákimdigi áýejaıdan ushyp shyǵatyn jańa baǵyttardy qarastyrýda.
О́tken jyly áýejaı halyqaralyq mártebege ıe boldy. Endi ushaq jolaýshylaryna qyzmet kórsetý sapasyn arttyrý úshin túrkııalyq ınvestorlardyń tartylýy múmkin.
Pavlodar áýejaıy 1973 jyly ashylǵan. Aýmaǵy 235 gektar.
Qazir áýejaıdyń qýattylyǵyn arttyrý úshin kúrdeli jóndeý jumystary bastalmaq.
Qazirgi tańda saǵatyna 200-den astam jolaýshy qabyldaıdy, jylyna 1 myńǵa jýyq ushaq ushady.
Al ótken jyl qorytyndysy boıynsha áýejaı arqyly 200 myńnan astam jolaýshy tasymaldanyp, 300 myń tonnadan astam júk pen poshta jetkizilgen.
Jalpy, áýejaıdan ushaqtar Nur-Sultan, Almaty, Máskeý, Novosibir, Belarýstiń Mınsk qalalary men Túrkııaǵa ushýda.
Aldaǵy ýaqytta elimizdegi áýe kompanııalarynyń kelisimimen jolaýshylar suranysyna ıe jańa baǵyttar ashylmaq.
Pavlodar