Akter Leonardo Dı Kaprıo 11 saǵat boıy teńizde qalyp qoıǵan fransýzdy qutqardy. Bul týraly NTV habarlady.
Oqıǵa qalaı bolǵan?
«Tıtanık» juldyzy óz ıahtasymen Karıb teńizinde demalyp júrgen. Bir kezde ol rasııadan taǵy bir qaıyq kapıtanynyń sıgnalyn estigen. Ol óz jolaýshysyn joǵaltqanyn aıtqan: 24 jastaǵy fransýz ishimdikke mas bolyp, borttan qulap ketken kórinedi. Onyń sýda qansha ýaqyt bolǵany jáne qaıda ekenin kapıtan bilmegen.
Dı Kaprıoǵa teńizde joǵalyp ketken er adamdy tabý úshin birneshe saǵat kerek bolǵan. Er adam kúshi sarpylǵanyna qaramastan qolyn sozyp, kómek suraǵan.
Borttan qulap ketken er adamnyń 11 saǵat boıy sýda bolǵany anyqtaldy.
Iаhtada Leonardo Dı Kaprıo qutqarylǵan jigitke tamaq berip, kıindirgen. Joly bolǵysh jigittiń esimi - Vıktor, onyń qarny ashyp, ábden júdegen eken. Fransýz esin jınaǵan ýaqytta, akterǵa alǵys bildirgen. Jolaýshysyn joǵaltqan kapıtan teńizden adam tabý múmkindigi «mıllıardtan bir» ekenin aıtady.
Aıta keteıik, Dı Kaprıonyń ıahtasy sıgnalǵa jaýap bergen jalǵyz keme bolǵan.