«Batamen el kógeredi» demekshi, el batasy men onyń alǵysyna bólený sot qaýymy úshin asa mańyzdy. Osyndaı izgilikke bólengen jandardyń alǵys hattary lek-legimen Joǵarǵy Sot Tóraǵasynyń hat qorjynyna túsip, tolastar emes. Sonyń biri Kentaý qalasynyń 33 turǵynynyń atynan kelip túsken hatty erekshe atap ótý oryndy. Sotqa degen senimderi nyǵaıyp, júzderin kúlki, júrekterin qýanysh kernegen jandardyń haty alǵysqa toly.
«Batamen el kógeredi» demekshi, el batasy men onyń alǵysyna bólený sot qaýymy úshin asa mańyzdy. Osyndaı izgilikke bólengen jandardyń alǵys hattary lek-legimen Joǵarǵy Sot Tóraǵasynyń hat qorjynyna túsip, tolastar emes. Sonyń biri Kentaý qalasynyń 33 turǵynynyń atynan kelip túsken hatty erekshe atap ótý oryndy. Sotqa degen senimderi nyǵaıyp, júzderin kúlki, júrekterin qýanysh kernegen jandardyń haty alǵysqa toly.
Kentaý qalalyq sotynda Qylmystyq kodekstiń 126-babynyń 3-bóligi «b» tarmaǵy jáne 327-babynyń 3-bóligimen aıyptalǵan Orazbek Tileýov, Marat Tileýov jáne Azamat Qunanbaevqa qatysty qylmystyq is qaralǵan edi. Bul qylmystyq istiń mán-jaıy barlyq BAQ-ta, sonyń ishinde "Egemen Qazaqstanda" da jarııalanyp, qylmystyq toptyń is-áreketteri áshkerelengen bolatyn. Mine, osyǵan baılanysty atalǵan Alǵys hatta joǵarydaǵy qylmystyq toptan zábir kórgen Kentaý qalasynyń azamattary sottyń shyǵarǵan úkimine rızashylyǵyn bildirgen, ıaǵnı QIJK-niń talaptaryna sáıkes, qylmyskerlerge laıyqty jaza qoldanylǵandyǵyna jáne Kentaý qalalyq sotynyń sýdıasy Erkin О́sikbaevtyń kásibı biliktiligine joǵary baǵa bergen.
Sottyń shyǵarǵan úkimi bul qylmystyq oqıǵaǵa núkte qoıyp, aq-qarasyn aıyryp bergen. Alǵys hatty joldaýshy turǵyndar búgingi tańda sot júıesi táýelsiz bılik retinde ornyǵyp, azamattardyń quqyǵyn qorǵaýda zań sheńberinde qaltqysyz qyzmet atqaryp jatqandyǵyn alǵa tartqan.
«... Atalǵan aıǵaqtar negizinde, osy Alǵys hatqa qol qoıýshylar Kentaý qalasynyń turǵyndary sot júıesinde ádildik saltanat quryp, aqıqattyń aq týyn jelbiretip, laıyqty jaza qoldanǵanyna kózimiz jetti. Sondyqtan Joǵarǵy Sot Tóraǵasy Bektas Beknazarovqa jáne Kentaý qalalyq sotynyń tóraǵasy Erkin Ospanovqa sheksiz alǵys aıtamyz. Árdaıym halqymyzdyń qurmetine bólene berińizder», – dep tilek joldapty.
«Egemen-aqparat».