Qasym-Jomart Toqaev Omannyń jańadan taǵaıyndalǵan Sultany Haısam ben Tarıq Ál Saıdti Qazaqstan halqynyń jáne О́ziniń atynan quttyqtap, jedelhat joldady. Bul týraly Aqordanyń baspasóz qyzmeti habarlady.
Memleket basshysy Oman Sultandyǵynyń ekonomıkasy qarqyndy damyp, halqynyń ál-aýqaty artyp otyrǵan memleket ekenin aıta kele, Haısam ben Tarıq Ál Saıdtiń basshylyǵymen Omannyń odan ári órkendep, mereıi óse beretinine senim bildirdi.
«Eki el arasyndaǵy dostyq pen ózara qoldaýǵa negizdelgen yntymaqtastyqty keleshekte de halyqtarymyzdyń ıgiligi úshin ári qaraı óristetý maqsatynda Sizben birlese kúsh-jiger jumsaýǵa daıyn ekenimdi qýattaımyn. Sizdiń asa jaýapty qyzmetińiz ben barlyq ıgi bastamalaryńyzǵa mol tabys, al dostas Oman halqyna yrys pen qut-bereke tileımin», – delingen jedelhatta.