Parlament Senatynyń depýtattary Nurlan Beknazarov pen Aıgúl Qapbarova jumys babyndaǵy sapar aıasynda Shymkent qalasynyń belsendi jastarymen kezdesti. Bul týraly Parlament Senatynyń baspasóz qyzmeti habarlady.
M.Áýezov atyndaǵy Ońtústik Qazaqstan memlekettik ýnıversıteti ǵylymı-zertteý ortalyǵynda ótken sharaǵa pedagogtar, basqarmalardyń jáne buqaralyq aqparat quraldarynyń ókilderi qatysty. Áńgime barysynda eriktilik, azamattyq qoǵamdy damytý, daryndy jastardy qoldaý týraly áńgime óristedi.
Konstıtýsııalyq zańnama, sot júıesi jáne quqyq qorǵaý organdary komıtetiniń múshesi Nurlan Beknazarov óz sózinde Jastar jylyn qorytyndylady jáne qatysýshylardyń barlyq suraqtaryna jaýap berdi. Áleýmettik-mádenı damý jáne ǵylym komıtetiniń múshesi Aıgúl Qapbarova Parlament Senatynyń janyndaǵy Jastar keńesiniń aldaǵy jumys josparymen bólisip, jastardy Qazaqstannyń damýyndaǵy qozǵaýshy kúsh bolýǵa shaqyrdy.