«QazAgroQarjy» AQ-y ótken jyldyń sońynda 20 jyl tolǵanyn atap ótken jón. Atalmysh kompanııa Úkimet qaýlysyna sáıkes 1999 jyldyń 28 jeltoqsanynda «QazAgro» ulttyq basqarýshy holdınginiń janynan quryldy. QR Aýyl sharýashylyǵy mınıstrligi kompanııanyń jalǵyz aksıoneri bolyp tabylady. Kompanııanyń negizgi mindeti – sharýalarǵa qol jetimdi lızıngter berý arqyly aýyl sharýashylyǵy tehnıkalaryn jańartýǵa kómek kórsetý.
20 jyl ishinde aksıonerlik qoǵam jalpy sommasy 602 mlrd teńgege 49 myńǵa jýyq jańa aýyl sharýashylyǵy tehnıkasyn satyp alýdy qarjylandyrdy.
Búginde «QazAgroQarjy» AQ agroónerkásiptik kesheni úshin beriletin lızıng naryǵynda ulttyq kóshbasshy bolyp tabylady. Bul baǵyttaǵy onyń úlesi 90%-dy quraıdy.
О́tken jyly kompanııa aýyl sharýashylyǵy taýarlaryn óndirýshilerge lızıngke 5 893 birlik jańa aýyl sharýashylyǵy tehnıkasyn berdi. Bul 2018 jylǵa qaraǵanda 72%-ǵa artyq. Atap aıtqanda, fermerler jeńildetilgen sharttarmen jalpy sommasy 99 mlrd teńgege 540 kombaın, 1 713 traktor, 416 tuqym sepkish, 143 egis keshenin jáne 3 081 birlik basqa da tehnıka satyp aldy.
Esterińizge salsaq, «QazAgroQarjy» AQ jyldyq paıyzy 17% jáne 9%-dy quraıtyn qarjylandyrýdy usynady. Bul rette, jyldyq paıyzy 17% mólsherlemeniń memleket 10 paıyzyn sýbsıdııalaıdy, ıaǵnı agrarııalar 7%-dy quraıdy. О́z kezeginde, 9 paıyz sýbsıdııalanbaıdy.
Tehnıkanyń quny men túrine baılanysty qarjylandyrý merzimi 5 jyldan 10 jylǵa deıin, bastapqy jarna – 15%-dan 20%-ǵa deıin, al keıbir arnaıy baǵdarlamalar boıynsha - 0-den 10%-dy quraıdy.
Bul rette lızıng alýshy alǵashqy tólemdi óz qarajaty esebinen nemese ınvestsýbsıdııa esebinen tólenedi. Biraq, sharýalardyń ınvestısııalyq salymnyń bir bóligi memlekettik sýbsıdııa arqyly óteledi.