Mańǵystaý oblysy aýmaǵynda avtomobıl joldarynda jolaýshylar men júkti tasymaldaýdy júzege asyratyn júrgizýshiler arasynda kólik tártibin arttyrý, sondaı-aq baqylaýdy jetildirý maqsatynda «Avtobýs» jedel-aldyn alý is-sharasy bastaldy. Bul týraly Mańǵystaý oblystyq PD baspasóz qyzmeti habarlady.
15-17 qańtar aralyǵynda atalǵan is-shara aıasynda kólik quraldarynyń tehnıkalyq jaǵdaıyna, sondaı-aq tıisti qujattardyń bar-joǵyn tekserýge erekshe nazar aýdarylatyn bolady. Reıdtik is-sharalardyń birinshi kúni Mańǵystaý oblysy boıynsha avtokólik quraldary júrgizýshileriniń jol qozǵalysy erejesin buzǵan 160-tan astam buzýshylyǵy anyqtaldy.
Sonymen «Avtobýs» jedel aldyn alý is-sharasynyń 2 saǵat ishinde oblys JP ınspektorlary polısııa leıtenanty M. Kapýlov pen polısııa serjanty M. Aıǵojaev avtobýs júrgizýshilerine qatysty 10 ákimshilik hattama toltyryldy. Jolaýshylar tasymalynyń buzylýy, qaýipsizdik beldigi, tıisti qujattardyń bolmaýy jáne uıaly telefondy paıdalaný jıi kezdesedi.