Memleket basshysy Qasym-Jomart Toqaevtyń Jarlyǵymen qyzmettik boryshyn atqarý ústinde kóz jumǵan polıseı Darhan Bazarbaev III dárejeli «Aıbyn» ordenimen nagradtaldy. Bul týraly Aqordanyń baspasóz qyzmeti habarlady.
«Qyzmettik boryshyn atqarý ústinde kórsetken erligi men janqııarlyǵy úshin Ishki ister mınıstrligi Qostanaı oblysy Polısııa departamenti Qostanaı aýdany polısııa bóliminiń polıseıi Darhan Serikuly Bazarbaev III dárejeli «Aıbyn» ordenimen nagradtalsyn (marqum). Osy Jarlyq qol qoıylǵan kúninen bastap qoldanysqa engiziledi», delingen habarlamada.
Eske sala keteıik, Darhan Bazarbaev 19 qańtar kúni Qostanaıda qyzmettik mindetin atqarý kezinde qaskóıdiń qolynan mert boldy. Polıseıdiń artynda 4 aılyq sábıi qaldy.