Búgin Qazaqstan Prezıdenti Qasym-Jomart Toqaevtyń Jarlyǵymen Shymkent qalasynyń ákimi bolyp Áıtenov Murat Dúısenbekuly taǵaıyndaldy.
«Murat Dúısenbekuly Áıtenov Shymkent qalasynyń ákimi bolyp taǵaıyndalsyn» delingen Aqordanyń baspasóz qyzmeti jarııalaǵan habarlamada.
Murat Áıtenov 1981 jyly týylǵan. Bilimi joǵary, mamandyǵy boıynsha «Uıymdastyrý jáne aqparatty qorǵaý tehnologııasy» jáne zańtaný. Eńbek jolyn Astana qalasynda 2004 jyly QR Qorǵanys mınıstrligi janyndaǵy arnaıy baılanys bóliminiń kezekshilik aýysymynyń aǵa ınjener-bastyǵy bolyp bastaǵan.
2006-2008 j. – QR PIB «Astana-О́nim» AQ sharýashylyq aýlasynyń meńgerýshisi.
2008-2010 j. – QR PIB vedomstvolyq qarasty uıymdardy basqarý jónindegi bólimniń óndiristik qyzmetti úılestirý sektorynyń sarapshysy.
2010-2012 j. – QR Prezıdenti Is Basqarmasynyń resmı is-sharalar jáne syrtqy baılanystar bólimi meńgerýshisiniń orynbasary.
2012-2013 j. – QR Prezıdenti Is Basqarmasynyń resmı is-sharalar jáne syrtqy baılanystar bóliminiń meńgerýshisi.
2013-2016 j. - QR Prezıdenti Is Basqarmasynyń apparat basshysy.
2016-2019 jyldyń jeltoqsanyna deıin - Qazaqstan Respýblıkasy Prezıdenti Is Basqarýshysynyń orynbasary qyzmetin atqarsa, 2019 jyldyń jeltoqsanynan bastap búginge deıin Shymkent qalasy ákiminiń birinshi orynbasary bolǵan.
Sondaı-aq Memleket basshysynyń Jarlyǵymen Erlan Qýanyshuly Aıtahanov Shymkent qalasynyń ákimi qyzmetinen bosatyldy.
ShYMKENT