Tabıǵat: Derek pen dáıek

Onyń ishinde, “SNPS-Aqtó­be­munaıgaz”, “AltıesPetroleým Int.B.V”, “Aqtóbe hrom qo­syn­dylary zaýyty” AQ-tary “Qa­zaqOılAqtóbe”, “Qazaqtúrik­mu­naı” JShS-leri sııaqty irgeli ká­siporyndar mundaı ıgilikti isterge anaǵurlym kóbirek qarjy bólip keledi. Jalpy, qazirgi ýaqytta Aqtóbe oblysynda 10 myńnan astam tabıǵat paıda­la­nýshylar jumys isteıdi eken. Sonyń 375-i ekologııalyq qaýipti kásiporyndar qataryna jatady. Oblysta júzege asyrylyp kele jatqan memlekettik ekolo­gııalyq saıasat qorshaǵan ortaǵa tehnogendik áserdi tómendetýge múmkindik berip otyr. Jaqynda Aqtóbe qalasynda Mańǵystaý, Atyraý, Batys Qazaqstan, Qos­tanaı, Qyzylorda jáne Aqtóbe oblystary tabıǵat qorǵaý qyz­met­teriniń, iri kásiporyndardyń ókilderi, ekinshi deńgeıdegi bank basshylarynyń qatysýymen ótken keńestiń “Innovasııalyq jobalarǵa – ekologııalyq-eko­no­mıkalyq baǵyt” atalýy da sondyqtan. Keńeste tek birjaqty ekonomıkalyq tıimdilikti ǵana oılap qoımaı, ekologııalyq tepe-teńdikti saqtaý jaıy da jan-jaqty sóz boldy.

Satybaldy SÁÝIRBAI, Aqtóbe oblysy.

6 023 200 000 Ústimizdegi jyly oblysqa “Jol kartasy” baǵdarlamasyn qarjylandyrýǵa respýblıkalyq jáne jergilikti bıýdjetterden osynshama teńge qaralǵan. Osynyń 4 mlrd. 884 mln. 200 myń teńgesi ınvestısııalyq jo­ba­lardy júzege asyrýǵa baǵyt­ta­lady. Barlyǵy 128 joba ınves­tı­sııalyq tórt baǵytpen júrgi­zi­lip, 5291 jańa jumys oryndary ashylady dep josparlanýda. Sondaı-aq, áleýmettik jumys oryndaryn keńeıtýge jáne “Jastar tájirıbesine” 480 mln., kadrlar daıarlaýǵa 659 mln. teńge bólingen.

Erkin ÁBIL, Qyzylorda.

163 000 000 Oblys kásiporyndary men mekemeleriniń jalaqy jónindegi qaryzy osynsha teńgeni qurap otyr. Ujym músheleriniń mańdaı ter, taban aqysyn ýaqtyly óteý­diń ornyna neshe túrli syl­taýmen jaýapkershilikten jal­tar­ǵysy keletin basshylar budan bylaı qatań jaýapkershilikke tarty­latyn bolady. Borysh­ker­ler­diń tizimin Taıynsha aýdanyn­da ornalasqan “Bıohım” zaýyty bastap keledi. Onyń qaryzy 21 mıllıon teńgege jetken. “Aq­qaıyń aýdanyndaǵy “Cherkas­skoe” JShS-de eseptesýdi umyt­qan tárizdi. Petropavl qalasy men Aıyrtaý aýdanynda da boryshkerler jetip artylady. Olar sheteldiń qymbat kólikterin satyp alýdan tyıylar emes. Oblystyq ishki ister depar­ta­mentiniń aqparattary boıynsha, keı basshylardyń ústinen qyl­mystyq is qozǵalyp, sotqa jol­danǵan kórinedi. Oblys ákimi Serik Bilálov jumysty durys uıymdastyra almaǵany úshin Shal aqyn, Aıyrtaý, Tımırıazev aýdandarynyń ákimderine sógis jarııalady. Tapsyrma oryn­dal­maǵan jaǵdaıda, qyzmetterinen bosatylatyndaryn eskertti. Qu­qyq qorǵaý organdaryna jalaqy qaryzyn óteýge qulyqsyz kásip­oryndardyń dúnıe-múlkin aýk­sıon arqyly satyp, jumysshy-qyzmetkerlermen esep aıyry­sýdy mindettedi.

О́mir ESQALI, Soltústik Qazaqstan oblysy.