Eńbek jáne halyqty áleýmettik qorǵaý mınıstrligi AÁK taǵaıyndaý úshin qujattardy halyqqa qyzmet kórsetý ortalyqtarynda berýge bolatyny týraly áleýmettik jelilerde taraǵan aqparatty joqqa shyǵardy.
«Áleýmettik jeliler men messendjerlerde taratylǵan ataýly áleýmettik kómekti taǵaıyndaý úshin qujattardy halyqqa qyzmet kórsetý ortalyqtarynda berýge bolatyny týraly aqparat shyndyqqa sáıkes kelmeıdi. AÁK taǵaıyndaýǵa ótinishter Halyqty jumyspen qamtý ortalyqtarynda jáne ákimdikter janyndaǵy jumyspen qamtý bólimderinde qabyldanady. Qujattardy 2020 jylǵy qańtardyń sońyna deıin tapsyrýǵa bolady» delingen mınıstrlik taratqan habarlamada.
Ataýly áleýmettik kómek taǵaıyndaý krıterıılerine sáıkes keletin azamattarǵa ataýly áleýmettik kómek aqpan aıynan bastap tólenedi, AÁK alatyn otbasylardyń balalary úshin kepildik berilgen áleýmettik toptama tabystalatyn bolady.