Oblysta «Brakoner» jedel-aldyn alý sharalary ótkizilýde. Shara barysynda birqatar zań buzýshylyqtar anyqtaldy.
Eki apta ishinde polısııa qyzmetkerleri orman sharýashylyǵy jáne janýarlar dúnıesi aýmaqtyq ınspeksııasymen birlese otyryp, ań aýlaý erejelerin buzǵandar men brakonerlerdi áshkereledi.
–Ańshylyq qarýlaryn tasymaldaý men kóshi-qon zańnamalaryn tıisinshe oryndaýǵa erekshe nazar aýdarylýda. Sondyqtan da oq-dáriler men qarýlardyń tıisti qujattarynyń bolýy qadaǵalanyp, barlyq kólikter tekserilýde, deıdi polısııa departamentiniń jergilikti polısııa qyzmeti basqarmasynyń basshysy Serik Baımuqanov.
Shara barysynda arnaıy mobıldi toptar 127 ákimshilik zań buzýshylyqty anyqtady. Onyń 68-i ańshylyq erejelerin buzý, 26-sy zańsyz balyq aýlaý. 4 qylmystyq is qozǵalyp, 9 qarý tárkilendi.
–Zańsyz ań aýlaý qylmystyq quqyq buzýshylyqtan jeńil qylmys sanatyna aýystyryldy. Sonymen qatar, brakonerlikke, janýarlar álemin qorǵaý ınspektorlerine qysym kórsetý, ómirlerine qaýip tóndirýge baılanysty zańdar kúsheıtildi, deıdi ekologııalyq polısııa tobynyń aǵa ınspektory Anar Túkenova, áıtse de ońaı oljaǵa qunyqqandar áli de azaıatyn emes.