21 qańtarda Reseıdegi Qazaqstan kınofestıvaliniń aıasynda Omby qalasyndaǵy «Vavılon» kıno ortalyǵynda «Qazaq handyǵy. Almas qylysh» fılminiń jabyq kórsetilimi ótti. Bul týraly Mádenıet jáne sport mınıstrliginiń baspasóz qyzmeti habarlady.
Qazaqstan Respýblıkasynyń Eńbek sińirgen qaıratkeri, kınorejıssıor, ssenarıst Rústem Ábdirashtyń fılmi qazaq tilinde (oryssha sýbtıtrmen) kórsetildi.
Aıta keteıik, bul týyndy Ilııas Esenberlınniń «Kóshpendiler» trılogııasynyń jelisimen túsirilgen kınodılogııanyń birinshi bólimi.
Qazaq handyǵynyń qurylýy men Jánibek, Kereı sultannyń róli týraly kınotýyndynyń avtory – Elbasy N.Á.Nazarbaev. Fılmdi Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» kınostýdııasy túsirgen.