Saltanatty rásimge Qytaı Mınıstrler Kabınetiniń, Pekın qalalyq Úkimetiniń, sondaı-aq Qazaqstan Respýblıkasynyń SIM men Qazaqstan Respýblıkasynyń AShM ókilderi qatysty.
Bul oqıǵa Qazaqstan men Qytaıdyń veterınarııalyq qyzmetteriniń úlken jáne úılesimdi jumysy boldy. 2018 jylǵy 7 maýsymda Pekınde qazaqstandyq sıyr etin eksporttaý úshin naryqty ashý boıynsha tabysty kelissózder nátıjesinde hattamaǵa qol qoıyldy. 2019 jyldyń sáýirinde Veterınarlyq sertıfıkat kelisilip, al kelesi aıda QHR Bas keden basqarmasy tórt qazaqstandyq kásiporyndy sıyr etin Qytaıǵa eksporttaý quqyǵy bar tizimge engizdi. Qytaı naryǵyna ónim eksporttaý múmkindigi ashylǵannan beri qazaqstandyq kompanııalar 4,5 myń tonnaǵa jýyq sıyr etin jetkizdi.
Qazirgi ýaqytta Qazaqstan Respýblıkasynyń Aýyl sharýashylyǵy mınıstrligi sıyr etin Qytaıǵa eksporttaýǵa quqyǵy bar qazaqstandyq kásiporyndardyń tizimin keńeıtý boıynsha jumystardy jalǵastyrýda.