PREZIDENT POShTASYNAN

ELIMIZDIŃ JETISTIKTERI – ELBASY EŃBEGINIŃ NAQTY NÁTIJESI Elbasy Nursultan Nazarbaevtyń atyna Qyzylorda oblysy, Qazaly aýdany, №249 mektep-lıseıdiń dırektory Kúlásh Mergen­baevadan jáne Astana qalasynyń turǵyny, Ishki ister mınıstrliginiń zeınetkeri Mahmut Meıirmanovtan jedelhattar kelip tústi. Prezıdenttiń bıylǵy Qazaq­stan halqyna Joldaýynda otan­dyq bilim berý júıesine, sonyń ishinde ıntellektýaldyq mek­tep­terdiń basymdyqqa ıe bolatyny týraly bastamasyna rızashyly­ǵyn bildirgen K.Mergenbaeva “О́zińizdiń bastamańyzben “100 mek­tep, 100 aýrýhana” baǵdarlama­sy boıynsha bizdiń aýdanymyzda 1200 oryndyq mektep salyndy. Biz jańa zaman talabyna saı sa­lyn­ǵan záýlim de ásem ǵımaratta oqý baqytyna ıe boldyq. Búginge deıin mektebimizdi 21 oqýshy “Altyn belgimen” bitirgen bolsa, keleshektegi mindet – bir sy­nyp­ty “Altyn belgimen” bitirgizý. Aýyl­dyq jerde tursaq ta oqý­shy­larymyz ben ustazdarymyz shet­eldik áriptesterimizben tájirıbe almasýda, mektepte otyryp, “On-laın” rejimimen halyqaralyq baıqaýǵa, oqýǵa, konferensııa­lar­ǵa qatysýdamyz. Otandyq bilim berý júıesiniń flagmany bolýǵa umtylýdamyz”, dep jazady. Elbasynyń sara saıasaty ná­tı­jesinde Qazaqstannyń bıyl Eýropadaǵy qaýipsizdik jáne yntymaqtastyq uıymyna tóraǵa bolǵanyn maqtanysh tutatynyn jetkizgen M.Meıirmanov hatynda “Elimiz Aýǵanstandaǵy máseleni qarýdyń kúshimen emes, osy eldiń ekonomıkasy naqtylaı damýy úshin is júzinde kómektesý arqyly jáne beıbit dıplomatııalyq jol­men sheshýdi usyndy. Qarjylaı kómek kórsete otyryp, jas ma­mandardy daıarlaýǵa elimizdiń joǵary oqý oryndary múmkindik berip otyr. Táýelsiz Memleketter Dostastyǵy elderinde Ázirbaıjan jáne Armenııa respýblıkalary arasyndaǵy Taýly Qarabah, Grýzııada Abhazııa men Ońtústik Osetııa máselelerin kelissózder arqyly beıbit jolmen sheshýdi usynyp otyr. Elimiz ıadrolyq qa­rý­dan bas tarta otyryp, Elba­sy­nyń qajyrly eńbegi, úlken ha­lyq­aralyq bedeli jáne beıbit­shilikti súıgish saıasaty arqasynda Reseı Federasııasy, Qytaı Ha­lyq Respýblıkasy jáne Amerıka Qurama Shtattary tarapynan Qazaqstannyń terrıtorııasynyń tutastyǵy men qaýipsizdigine kepildik aldy”, dep jazǵan. M.Meıirmanov Elbasy tara­pynan el ıgiligi úshin atqarylǵan jáne atqarylyp jatqan ulan­ǵaıyr isterge toqtalyp, Mem­le­ket basshysyna zor densaýlyq tileıdi. AÝYRTPALYQTY EL BOLYP KО́TERDIK Memleket basshysy Nursultan Nazarbaevtyń atyna Sapırovtar otbasynan jedelhat kelip tústi. Hat ıeleri bıylǵy jyldyń naýryz aıynda Almaty oblysy­nyń, Aqsý aýdanynda oryn alǵan apattyń aýyrtpalyǵyn búkil el bolyp kótergenin jáne tabıǵat­tyń zaýalyna ushyrǵan qyzyl­aǵash­tyqtarǵa Elbasy tarapynan jedel kómek berilgenin rızashy­lyqpen atap ótken. Hat ıesi: “Apat aıtyp kel­meıdi. Biraq, qıyn-qystaý kezde jalǵyz qalmadyq. Qaıǵymyzdy el bolyp, jurt bolyp bólisken azamattardyń barshylyq ekenine kózimiz jetip, júregimiz sezindi. Apat oryn alǵan túni Taldy­qor­ǵan qalasyna kóshirildik. Qala turǵyndary men basshylary qol­dan kelgen kómekterin kórsetti. Áli de bolsa biz úshin aldaryna jan salmaı qyzmet jasaýda. Bizge kór­setip jatqan qamqorlyǵyńyz úshin myń da bir rahmet!”, dep jazady. Hat sońynda Sapırovtar otbasy Elbasyǵa amandyq-saýlyq jáne el múddesi jolyndaǵy qyzmetine mol tabys tilegen. Elbasynyń atyna osyndaı mazmundaǵy hat kóp balaly ana, Qyzylaǵash aýylynyń turǵyny Natalıa Vasılevna Kýlıkovadan keldi. Ol hatynda ózderiniń Tal­dyqorǵan qalasyndaǵy jataq­ha­naǵa ornalastyrylyp, azyq-tú­lik, kıim-keshekpen tolyq qam­ta­masyz etilgenderin aıtyp, mem­le­kettik deńgeıde úlken qamqorlyq kórsetkeni úshin Memleket bas­shy­syna qyzylaǵashtyqtar aty­nan alǵys sezimin jetkizgen.