2013 jylǵy 29 naýryz Astana, Úkimet Úıi
«Sý kózderine, sharýashylyq-aýyz sý maqsaty úshin sý jınaý oryndaryna, sharýashylyq-aýyz sýmen jabdyqtaýǵa, sýdy mádenı-turmystyq paıdalaný oryndaryna jáne sý obektileriniń qaýipsizdigine qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 18 qańtardaǵy № 104 qaýlysyna tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Sý kózderine, sharýashylyq-aýyz sý maqsaty úshin sý jınaý oryndaryna, sharýashylyq-aýyz sýmen jabdyqtaýǵa, sýdy mádenı-turmystyq paıdalaný oryndaryna jene sý obektileriniń qaýipsizdigine qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 18 qańtardaǵy № 104 qaýlysyna (Qazaqstan Respýblıkasynyń PÚAJ-y, 2012 j., № 26, 359-qujat) mynadaı tolyqtyrýlar engizilsin:
kórsetilgen qaýlymen bekitilgen «Sý kózderine, sharýashylyq-aýyz sý maqsaty úshin sý jınaý oryndaryna, sharýashylyq-aýyz sýmen jabdyqtaýǵa, sýdy mádenı-turmystyq paıdalaný oryndaryna jáne sý obektileriniń qaýipsizdigine qoıylatyn sanıtarııalyq-epıdemıologııalyq talaptar» sanıtarııalyq qaǵıdalarynda:
4-tarmaq mynadaı mazmundaǵy 15-1), 15-2) jáne 15-3) tarmaqshalarmen tolyqtyrylsyn:
«15-1) tushytý ádisteri - sýdan erigen tuz ben basqa da qospalardy alyp tastaýdyń fızıkalyq jáne hımııalyq ádisteri;
15-2) teńiz sýlary - eger Qazaqstan Respýblıkasy ratıfıkasııalaǵan halyqaralyq sharttarda ózgeshe kózdelmese, bul Qazaqstan Respýblıkasynyń Memlekettik shekarasy shegindegi Kaspıı jáne Aral teńizderiniń sýlary.
Aýmaqtyq sýlardy (teńizdi) esepteý Qazaqstan Respýblıkasy ratıfıkasııalaǵan halyqaralyq sharttarǵa sáıkes aıqyndalatyn tıisti geografııalyq núktelerdi qosatyn bastapqy túzý syzyqtan, sondaı-aq Qazaqstan Respýblıkasyna tıesili qurlyqta da, araldarda da sýdyń eń kóp qaıtatyn jıeginen júzege asyrylady.
15-3) jaǵalaý jıegi - sý obektisi jaǵalaýynyń sýdyń barynsha kóterilýi (lyq tolýy) nátıjesinde paıda bolatyn jıegi;»;
72-tarmaq mynadaı mazmundaǵy 4) tarmaqshamen tolyqtyrylsyn:
«4) teńiz sýyn sharýashylyq-aýyz sý maqsattary úshin paıdalanǵan kezde sý jınaǵyshtar úshin tushytý ádisterimen birinshi beldeýdiń shekarasy jergilikti sanıtarııalyq-epıdemıologııalyq jáne gıdrologııalyq jaǵdaılarǵa baılanysty, biraq sý jınaý arnasyna sý qabyldanatyn jerden keminde 100 metr akvatorııa boıynsha barlyq baǵyttarǵa belgilenedi.
Teńiz jaǵalaýynyń naqty gıdrofızıkalyq jáne topografııalyq-gıdrologııalyq erekshelikterine baılanysty sý jınaý arnasynyń teńiz jaqqa qaraı uzyndyǵy sanıtarııalyq-epıdemıologııalyq qorytyndy bere otyryp, SQA negizdemesi jobasynyń negizinde, biraq keminde 300 metr bolyp belgilenedi.»;
74-tarmaq mynadaı mazmundaǵy ekinshi bólikpen tolyqtyrylsyn:
«Teńiz sýlaryn tushytý ádisterin qoldaný kezinde teńizdegi SQA ekinshi beldeýiniń shekarasy gıdrofızıkalyq jáne topografııalyq-gıdrologııalyq erekshelikterdi eskere otyryp, sý jınaǵyshtan barlyq jaqqa qaraı akvatorııa boıynsha sanıtarııalyq-epıdemıologııalyq qorytyndyny bere otyryp, SQA negizdemesi jobasynyń negizinde alyp tastalady.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri
S.AHMETOV.