Izraıldiń Tel-Avıv qalasynda dzıýdodan Gran-prı básekesi bastaldy. Bul týraly Mádenıet jáne sport mınıstrliginiń baspasóz qyzmeti habarlady.
Saıystyń alǵashqy kúni 66 kg-ǵa deıingi salmaqta synǵa túsken Erlan Serikjanov kúmis júldege ıe boldy. Qazaq dzıýdoshysy aqtyq synda ońtústik koreıalyq An Baýldan utylyp qaldy.
Erlan fınalǵa deıingi beldesýlerde Iаrın Meneged (Izraıl), Mýrad Shopanov (Reseı), Orhan Safarovty (Ázirbaıjan), al jartylaı fınalda Barýh Shmaılovti vazarı upaıymen jeńgen edi.
Aıta keteıik, bıylǵy jyldyń alǵashqy dodasyna álemniń 83 elinen 548 sportshy kelgen. Qazaqstan quramasy sapynan 19 sportshy el namysyn qorǵaıdy. Gran-prı básekesi 25 qańtarǵa deıin jalǵasady.